မေ ၊ ၂၂ ၊ ၂၀၂၄
SP (VOM)
စစ်ကိုင်းတိုင်း ၊ တမူးမြို့နယ် ၊ ကျွန်းပင်သာကျေးရွာနားမှာ မနေ့ မေ ၂၁ ရက် မနက် ၉ နာရီဝန်းကျင်က နစက လုံခြုံရေး ကင်းပုန်းအဖွဲ့တွေ ပစ်ခတ်ဖမ်းဆီးလိုက်တာကြောင့် လူလေးယောက် သေဆုံးသွားတယ်လို့ ဒေသခံ တွေဆီက သိရပါတယ်။
ကျွန်းပင်သာကျေးရွာနေ ဒေသခံတယောက်က
” နစက ကင်းပုန်းအဖွဲ့က ပစ်ခတ်ဖမ်းဆီးတာဖြစ်တယ် ၊ သေဆုံးသူ လူငယ် လေးယောက်ဟာ ကျွန်းပင်သာရွာခံ ကလေးတွေမဟုတ်ဘူး ၊ ဘယ်က လူတွေဆိုတာ အခုထိမသိရသေးဘူး ” လို့ ပြောပါတယ်။
တမူးခရိုင် လုံခြုံရေးအဖွဲ့နဲ့ နီးစပ်သူတယောက်က
” ဒရုန်းနဲ့တိုက်ခိုက်ဖို့ လာတဲ့ PDF လေးယောက်ကို ကင်းပုန်းအဖွဲ့က ပစ်ခတ်ဖမ်းဆီးတယ် ၊ အလောင်း လေးလောင်းနဲ့ အမ်-၂၂ သေနတ် ၁ လက် ၊ ကျည်အိမ် ၂ ခု ၊ ကျည် ၅၄ တောင့် ၊ Drone ၁ စီး ၊ Drone ဘတ္ကရီ ၇ ခု သိမ်းဆည်းရမိတယ် ” လို့ ပြောပါတယ်။
အဲ့ဒီ ဖြစ်စဥ်နဲ့ ပတ်သက်ပြီး အခုထိ ဒေသတွင်း လက်နက်ကိုင် PDF တွေဘက်က သတင်းထုတ်ပြန်တာ မတွေ့ရသေးပါဘူး ၊ အဲ့ဒါကြောင့် သေဆုံးသူ လူငယ် လေးယောက်ဟာ PDF တွေဖြစ်တယ်လို့ VOM အနေနဲ့ သီးခြားအတည်ပြုနိုင်တာ မရှိသေးပါဘူး။
ပြီးခဲ့တဲ့ မေ ၁၇ ရက်က စစ်ကိုင်းတိုင်း ၊ ယင်းမာပင်မြို့နယ် ၊ မုံရွာ – ယာကြီး – ကလေးဝ ကားလမ်းမှာ အောင်ဇေယျ ရဲကင်းစခန်းက ရွှေတောင်ဦး သာသာနယ့်မြေတာဝန်ကျ ဒုရဲအုပ် တယောက်အပါအဝင် ရဲတပ်ဖွဲ့ဝင် ခြောက်ယောက်ကို ဒေသတွင်း လက်နက်ကိုင် PDF တွေက ပစ်သတ်ပြီး လက်နက်ခဲယမ်းတွေ ယူဆောင်သွားတယ်လို့ သိရပါတယ်။
Related posts
-
ဂျပန် ကာကွယ်ရေးဝန်ကြီးဟောင်း အိုင်ရှီဘာ ဝန်ကြီးချုပ်သစ် ဖြစ်လာတော့မယ်
တိုကျို၊ စက်တင်ဘာ-၂၇-၂၀၂၄ရတီ (VOM)ဂျပန်အာဏာရပါတီ ခေါင်းဆောင်အဖြစ် ဂျပန်ကာကွယ်ရေးဝန်ကြီးဟောင်း ရှီဂီရူအိုင်ရှီဘာကို ဒီနေ့မှာ ရွေးချယ်လိုက်ပြီး သူဟာ... -
ကလောက ရေဘေးသင့်ပြည်သူတွေ စားနပ်ရိက္ခာတွေသာ လက်ခံရရှိပြီး လှူဒါန်းငွေတွေ လက်ဝယ်မရသေး
စက်တင်ဘာ ၂၇၊ ၂၀၂၄ သတင်း-ZY ရှမ်းပြည်နယ်တောင်ပိုင်း၊ ကလောမြို့နယ်က မြို့ပေါ်နဲ့ ကျေးလက်ဒေသတွေရှိ ရေဘေးသင့်ပြည်သူ... -
တရုတ်စစ်တပ်ရဲ့ နျူစွမ်းအင်သုံး ရေငုပ်သင်္ဘောတစင်း ယခုနှစ်အစောပိုင်းမှာ နစ်မြုပ်ပျက်စီးခဲ့
ဝါရှင်တန်၊ စက်တင်ဘာ-၂၇-၂၀၂၄မျိုးဆက်(VOM)တရုတ်နိုင်ငံရဲ့ တည်ဆောက်ဆဲ နျူကလီးယားစွမ်းအင်သုံး ရေငုပ်သင်္ဘောတစင်းဟာ ယခုနှစ်အစောပိုင်းက နစ်မြုပ် ပျက်စီးသွားခဲ့တယ်လို့ အမေရိကန်စစ်တပ်...